Velkominn á Gigtarvefinn. Á
þessum vef verður í framtíðinni hægt að finna ýmsan hagnýtan fróðleik
um gigtarsjúkdóma. Gigtarvefurinn
ætti að nýtast jafnt bæði leikmönnum svo og starfsmönnum heilbrigðisþjónustunnar.
Markmiðið með Gigtarvefnum er fyrst
og fremst að fræða almenning og heilbrigðisstarfsfólk um þennan stóra
og veigamikla sjúkdómflokk. Gífurleg þörf er á fræðsluefni um þennan
stóra málaflokk og mikið efni er til, sem hægt er að gera aðgengilegt
fyrir alla með því að setja það á netsíður sem þessar. Öllum er heimil þátttaka, sem kostar
ekkert og er án allra skuldbindinga. Þátttaka er ekki háð aldri, kyni, menntun, heilsufari eða
búsetu.
Gigtarfefurinn er mjög öflugt tæki
fyrir alla þá, sem áhuga hafa á gigtarmálefnum hér á landi sem annarsstaðar.
Leitast verður við að
hafa hér nýjustu upplýsingar um gigtarsjúkdóma á hverjum tíma. Fjallað verður um greiningu, meðferð
og áhrif sjúkdómanna á einstaklinginn og samfélagið. Það er gífurlega mikilvægt
fyrir alla sem þjást af gigt, að hafa ávallt
greiðan aðgang að ítarlegum og traustum upplýsingum
um sjúkdóminn og meðferð hans. Ekki síst er
vefur sem þessi mikilvægur fyrir aðstandendur gigtarsjúklinga. Hann nýtist einnig vel áhugamönnum um gigt, sem búsettir eru
erlendis.
Flestar komur á heilsugæslustöðvar
og til lækna almennt eru vegna stoðkerfisvandamála þ.e. vegna gigtar. Beinn og óbeinn kostnaður þjóðfélagsins
vegna þessa málaflokks skiptir tugum milljarða á hverju ári! Það er því mjög brýnt, að sem flestir
geri sér grein fyrir þessu stóra vandamáli. Eins og á mörgum sviðum verður að byrja á fræðslu. Aukin þekking er forsenda allra framfara
a.m.k. á svo flóknu og yfirgripsmiklu vandamáli sem gigtin er. Tækni dagsins í dag gerir okkur kleyft,
að setja á stofn vef sem þennan, nánast án nokkurns kostnaðar. Það er mjög mikilvægt að gera sér ljóst,
að nánast allir geta komið skoðunum sínum á framfæri án nokkurs kostnaðar
og umstangs. Það eina
sem þarf er að geras sér grein fyrir þeim möguleikum, sem fyrir hendi
eru, smá útsjónarsemi og tími til þess að koma hlutunum í framkvæmd.
Kosturin við að vera skráður félagsmaður
er, að þeir hafa aðgang að efni, sem sérstaklega er ætlað þeim. Hér má nefna ýmsa möguleika: Orðaleit í greina- og fréttasafni Gigtarvefsins,
áskrift að fréttum um ákveðna málaflokka t.d ákveðna gigtarsjúkdóma
og þáttaka í umræðuhópum um gigtarmálefni. Eigin heimasíða er sjálfsögð
svo og þáttaka í spjallhópum. Einnig er möguleiki í framtíðinni á
ýmsum tilboðum til félagsmanna um afslátt af vörum og þjónustu.
Velkomin á
Gigarvefinn, Rheuma@Web!
